Adöver da la rait
Il motiv principal per la sbassada i'l sectur da l'ütilisaziun da la rait es la surcuvrida da l'on passà. Ils cuosts totals da la rait sun stats ün pa plü bass co las entradas correspundentas. Plünavant sun planisadas entradas supplementaras illa rait chi van a favur da las tariffas d'adöver da la rait. Las tariffas d'ütilisaziun da la rait vegnan perquai sbassadas l'on 2027 per 0.66 rp/kWh.
Energia
L'Energia Engiadina retira üna gronda part da sia energia dals cumüns concessiunaris (CEE). Quels han il dret da retrar energia dal producent d'electricità Ouvras Electricas d'Engiadina (OEE) per cundiziuns da preferenza. Il predsch d'acquisiziun es lià al predsch d'acquisiziun da las OEE. Il predsch d'energia stimà per l'on 2027 es creschü per 3.6% in congual cul 2026. Illa tariffa d'energia 2027 sun implü resguardadas üna part da las suotcuvertas dals ons avant. Ils cuosts d'energia s'augmaintan da 7.0 sün 7.3 rp/kWh.
Taxas
Ils cuosts per la reserva d'electricità da la Confederaziun as redüan l'on 2027 da 0.41 rp/kWh sün 0.17 rp/kWh. Il supplement da rait da la Confederaziun resta sainza müdamaints. Ils cuosts solidarisats da la Confederaziun s'augmaintan l'on 2027 da 0.05 rp/kWh sün 0.19 rp/kWh.
La taxa cumüns restan a Scuol e Valsot sainza müdamaints. Zernez sbassa sias taxas per 0.5 rp/kWh.
Aint il fögl da tariffas as chatta tuot las ulteriuras infuormaziuns davart las tariffas d'electricità 2027. Quel as sta a disposiziun adüna sün nossa homepage.
Suot strompreis.elcom.admin.ch as as poja laschar muossar ils predschs d'electricità da tuot ils furnituors d'electricità svizzers e tils congualar ün cun tschel