Noss 20 collavuraturs s'occupan mincha di da la transmissiun da la forza electrica, fabrichan e mantegnan la rait electrica e da fibras da vaider e gestiuneschan il sistem da masüraziun e da retschaivimaint sco eir l'administraziun da tuot ils quints d'electricità. Inavant mantgnain e fabrichain nus l'iglüminaziun publica dals cumüns da Scuol, Valsot e Zernez. Nus gestiunain e survagliain differentas ouvras idraulicas pitschnas ed eschan la persuna da contact per l'electromobilità. Per furnituors d'energia plü pitschens sco l'EW Zernez o l'Energia S-chanf surpiglia l'EE-Energia Engiadina differentas incumbenzas sco p.ex. la masüraziun, la facturaziun dal quint d'electricità o eir p.ex. T. mandats da gestiun.

L'EE-Energia Engiadina es gnüda fundada als 1. schner 2013 dals cumüns Ardez, Ftan, Tarasp, Scuol, Sent e Valsot. Daspö ils 1. schner 2014 sun eir ils cumüns da Susch, Lavin e Guarda cumproprietaris. La firma es nada da l'EE-Energia Engiadina chi toccaiva daspö ils 1. gün 2001 al cumün da Scuol.

Persunas respunsablas