Grazcha a quist'organisaziun profitan noss cumüns d'electricità favuraivla e sgürezza da provedimaint a lunga vista:

• Tschains d'aua: Ils cumüns survegnan minch'on pajamaints per l'adöver da lur resursas d'aua.

• Energia favurisada: Implü han els il dret d'energia gratuita, da preferenza e supplementara our da la producziun regiunala, a cundiziuns da preferenza.

Quista regulaziun contribuischa essenzialmaing cha'ls predschs per la forza electrica in Engiadina Bassa restan bass in congual svizzer.

Sustegn per tuot la regiun

La CEE pensa però plü inavant co be al provedimaint electric. Daspö la fundaziun dal 1963 cula üna part da las entradas consciaintamaing inavo illa regiun - visibel ed efficazi.

Tschinch pertschient dals fits d'aua van directamaing in ün fondo per progets culturals, socials e sportivs. Promouvs vegnan tanter oter societats da musica, cors, sport da giuvenils, mezs d'instrucziun rumantschs sco eir infrastructuras turisticas. Uschè s'haja per exaimpel insomma pudü pussibiltar o ingrondir il Bogn Engiadina Scuol e diversas activitats da sport illa regiun.

Tuot in tuot sun dapi l'on 1970 fluids var 280 milliuns francs dals fits d'aua als cumüns, da quels passa 14 milliuns francs i'l fondo da tschinch pertschient.

Üna ferma vusch per l'Engiadina Bassa

La CEE es gnüda fundada per cumparair plü ferm cumünaivelmaing. Vi da quai nu s'ha müdà fin hoz nöglia. Ella es ün exaimpel co cha la forza idraulica po gnir francada regiunalmaing e render ütilisabla per la populaziun - tecnicamaing, economicamaing e socialmaing.

controlla d'installaziun

Sco proprietari da chasa es El oblià da far la cumprouva da sgürezza pretaisa per l'installaziun electrica da Seis stabilimaint, cur ch'El vain intimà da Seis gestiunari da la rait. L'invid per l'examinaziun da sgürezza survegnan ils proprietaris da chasas dal gestiunari da la rait respunsabel, e quai ses mais avant la scadenza da la perioda da controlla. In Engiadina Bassa es incumbenzada l'EE-Energia Engiadina cun quist'incumbenza.

Co vain fatta la cumprouva da sgürezza?

• La gestiunaria da la rait (EE) dumonda al proprietari/a da laschar controllar sia installaziun infra 6 mais tenor la legislaziun NIV 2001 e da far la cumprouva da sgürezza.

• Il proprietari/la proprietaria incumbenzescha ad üna firma da controlla neutrala per l'examinaziun legala da l'installaziun electrica.
  (Chi chi'd es però stat partecipà a la planisaziun, construcziun o mantegnimaint da las installaziuns chi sun gnüdas controlladas, nu das-cha gnir incumbenzà culla controlla.)

• Cun defets: Il proprietari/la proprietaria dà l'incumbenza a seis electricist da chasa da reparar eventuals defets constatats.
  Sainza defets: Schi nu vegnan constatats ingüns defets, po la cumprouva da sgürezza gnir fatta directamaing tras la firma da controlla.

• Sun ils defets eliminats tras l'electroinstallatur, surdà la firma da controlla la cumprouva da sgürezza al proprietari/a.

• Il proprietari/la proprietaria trametta üna copcha da la cumprouva da sgürezza pretaisa a sia gestiunaria da la rait (EE).

• La cumprouva da sgürezza es da tgnair in salv dal proprietari/da la proprietaria almain fin la prosma perioda da controlla.

Documentaziuns d'investiziun e respunsabiltà

Il proprietari da l'installaziun es oblià da tgnair in salv la documainta tecnica (schemas, plans, instrucziuns da gestiun, e.u.i.) chi til es gnüda surdatta dal constructur resp. dal electroplanisader dürant tuot la dürada da vita d'üna installaziun. La cumprouva da sgürezza sto esser preschainta almain dürant la dürada d'üna perioda da controlla. Il proprietari da l'installaziun es respunsabel per dons chaschunats sco fin qua tenor art. 58 DO sco proprietari da l'ouvra..

Ledscha ed ordinaziun

Ledscha d'electricità (EleG) dals 24 gün 1902
Ordinaziun d'installaziun da tensiun bassa (OIF) dals 7 november 2001

Datas da contact

Documaints