Management

Provedimaint d'energia in Engiadina bassa

Management d’energia

La forz’electrica cuorra di per di tanter il producent ed il consument e quai in gronda quantità. Quist flüm d’energia vain registrà cun quintadurs ed ulteriuras cumponentas. La cumpensaziun da quantità, la furniziun da datas per motivs da statisticas, la manisaziun da process, l’influenza dad ulteriurs indrizs, sun üna part importanta dal management d’energia.

Provedimaint d’energia

Da Zernez fin Martina sun ils Cumüns concessiunaris da las OEE respunsabels per il scumpart d’energia e la vendita da forz’electrica a las chasadas sün lur territori da cumün. La quantità d’energia bsögnaivla cumpra mincha cumün our da la rait regiunala, chi es tachada vi da la rait d’associaziun svizra ed europeica. La forz’electrica cha las Ouvras Electricas d’Engiadina SA (OEE) prodüen in lur trais ouvras S-chanf-Pradella, Livigno-Ova Spin e Pradella-Martina cuorra aint illa rait d’associaziun surmanzunada.

Signal da manisaziun

La manisaziun lavura cun signals da frequenza da tun (TF), chi vegnan cuvernats a la frequenza da la rait. Cun quist signal ed il retschaivadur correspundent vegnan ils apparats electrics sco auaduoir, accumulaturs o pumpas da chalur manisats. (telecumond) Sün quist princip as basan eir la commutaziun da tariffa e l’activaziun da l’iglüminaziun da via. Quistas müdadas succedan tenor la chargia da la rait da scumpart