Implant fotovoltaic

Il sulai d'Engiadina prodüa forz'electrica

L'EE-Energia Engiadina s'occupa seriusamaing culla producziun d'energia
radschunaivla.

Avant ün pêr ons ha l'EE-Energia Engiadina - in stretta collavuraziun cul s-chalin ot da la
scoula populara da Scuol - installà ün implant fotovoltaic sül tet dal Bogn Engiadina
Scuol (BES). Quist lö es effectivamaing ideal per ün'ouvra solara chi prodüa
forz'electrica netta.


Quist implant es gnü visità daspö quella jada da blers indigens e giasts.

 

In basa a las bunas experienzas ha decis l'EE-Energia Engiadina, cul acconsentimaint
da la Bogn Engiadina SA, da sviluppar inavant e d'ingrondir il proget in differents pass.

L'ingrondimaint cumplessiv da l'implant es previs in 4 etappas. La prüma e seguonda
fasa sun glivradas. Per la 3. e 4. etappa, insembel cul s-chalin ot da tuot las scoulas
popularas in Engiadina Bassa, faja mincha jada dabsögn da ca. frs. 63'200.--. Previs
sun eivnas da proget cul tema energia. Il böt nun es in prüma lingia la rendita, dimpersè
la filosofia "transfuormar noss'energia solara in Engiadina Bassa in forz'ecologica da
gronda valur".

L'energia solara prodotta vegn darcheu offrida als cliaints da la regiun sco
prodot da forz'ecologica. Be cun agüd finanzial es il proget realisabel.

Partecipats a las lavuors sun l'EE-Energia Engiadina , la Corporaziun dals Cumüns
Concessiunaris da las OEE
e l'Electro Alpina da Scuol.

EE ENERGIA ENGIADINA - Bagnera 171 - 7550 Scuol - Tel. 081 861 23 00 - info@ee-en.ch