PurePower Grischun

Forza ecologica - per l'Engiadina Bassa.

Per cha eir vus, stimada cliantella in Engiadina Bassa pudaivat tscherner dingionder chi deriva Vossa forza e co ch'ella vain prodüta, ha l'EE-Energia Engiadina tscherchà l'on 2001 üna collavuraziun culla Repower.

Uschè vendain nus daspö trais ons cun grond success il prodot ecologic PurePower Graubünden da la Repower. Lacunter vain PurePower Graubünden eir prodüt in Engiadina Bassa, e las set ouvras electricas cun aua da baiver a Guarda, Scuol, Tarasp, Sent e Tschlin sun gnüdas certifichadas tenor ils criteris fich severs da "naturemade star" e gnüdas integradas sco indrizs da producziun da PurePower Graubünden. Ulteriuras ouvras electricas da PurePower sun ils implants Palü e Cavaglia da la Repower illa Val Poschiavo e daspö l'utuon 2004, grazcha a la gronda dumonda, eir quatter ouvras electricas cun aua da baiver illa Val Müstair.

Almain 2.5 % da PurePower Graubünden derivan da nouvas funtanas d'energia (sulai, vent e substanza biologica). Üna gronda part da quists 2.5 % vain eir prodütta in Engiadina Bassa, uschè pustüt l`implant da biogas Grass a Zernez e da l'implant da solar dal Bogn Engiadina a Scuol. Ulteriurs implants solars e da vent chi prodüan forz'ecologica PurePower as rechattan in Engiadin'Ota.

Culla cumprita da PurePower Graubünden vain promovüda la fabrica d'implants ecologics. In ün model da promoziun ans obliain nus insembel culla Rätia Energie e`ls ulteriurs partenaris, da metter a disposiziun almain 2.5 % da la quantità da vendita da PurePower Graubünden our d'implants solars, da vent e da biogas cul certificat "naturemade star". Inavant riva ün tschinchavel dal predsch implü da 5 rp./ukw in ün fuond chi vain dovrà per realisar megldramaints ecologics intuorn las ouvras electricas cun aua.

Infuormaziuns implü in connex cun PurePower Graubünden as chatta sülla pagina d'internet dal partenari Repower www.repower.ch

Cliantella da l'EE-Energia Engiadina po dimena eir cumprar forza ecologica da l'Engiadina Bassa per l'Engiadina Bassa. Güst quia pudaivat postar Vossa forza ecologica PurePower Graubünden.

PurePower Graubünden po gnir retrat in tuot l'Europa, sco PurePower Graubünden da la Repower (cun certificat). Üna postaziun online pro la Repower es eir pussibla. www.repower.ch

EE ENERGIA ENGIADINA - Bagnera 171 - 7550 Scuol - Tel. 081 861 23 00 - info@ee-en.ch